Interrail 2006

Jæja þá er isic kortið komið í pöntun og væntanlegt í hús eftir nokkra daga. Begga ákvað að bíða aðeins með að fá sér kort, er ekki alveg búin að ákveða sig.
Svo er það bara að bíða eftir útborgunardegi svo að við vitum alveg 100% að við getum pantað okkur flugið (ekkert voða sniðugt að panta flug ef maður á ekki pening fyrir því).
Við erum búnar að finna okkur fínt flug og erum bara að vona að það verði ekki uppselt um mánaðarmótið. En við vonum að svo verði ekki og þá mun planið okkar líta svona út:

12. júlí - morgunflug til London, eyðum svo deginum í London og fljúgum morguninn eftir Madrid. Svo er það bara stanslaust fjör í 22 daga þar sem við flökkum um Spán, Portúgal, Ítalíu, Slóveníu og Grikkland. 3. ágúst verðum við svo að vera komnar aftur til Madrid þar sem við tökum kvöldflug til London, svo er það bara nótt á flugvellinum og fljúgum svo heim morguninn 4. ágúst.

Það eru bara rúmir 4 mánuðir í þetta þannig að það er besta að byrja að plana og safna strax.


Dagmar